Sut mae creu Jin Eirin Tagu
Cynhyrchu jin eirin tagu cartref – gweithred sy’n arwyddocâd bod Nadolig ar y gorwel.
Rhan amlaf, yr Hydrfef ydi’r amser gorau i fynd i gasglu eirin tagu. Mae sawl arwydd sy’n dangos bo’r ffrwyth yn aeddfed – welwch chi liw piws tywyll ar y ffrwyth, neu mae’r ffrwyth yn teimlo’n feddal neu welwch chi ambell eirin wedi disgyn i’r llawr yn barod.
Er mwyn creu jin eirin tagu safonol, yn draddodiadol oedd rhaid disgwyl am y barrug cyntaf cyn casglu’r ffrwyth, ond diolch i Curry’s a Dixon’s, fedrwch anwybyddu’r cyngor yma….
Mae’n bwysig rhewi’r ffrwythau yn y rhewgell am o leia 24 awr o flaen llaw. Mae’r rhewi yn achosi i groen y ffrwyth i dorri’n wastad, rwbath sy’n galluogi’r blas i rhedeg heb rhwystr i’r alcohol. Mae’n bosib malu’r ffrwythau efo llaw wrth gwrs, ond gallwch byth a chreu yr un effaith a mae’r rhewgell yn gneud.
Y BROSES
- Casglwch y ffrwyth aeddfed.
- Cofiwch rhewi’r eirin tagu am o leiaf 24 awr.
- Rhowch y ffrwyth mewn jar gwydr ceg-lydan fyny at hanner ffordd.
- Tolltwch jin o safon (fel Treganna Gin?) at dop y jar.
- Arhoswch am 3 mis, gan ei droi ambell waith.
- Straeniwch y jin eirin tagu ac ychwanegwch siryp siwgwr nes bod o’n blasu yn ol eich dewis
- Mwynhewch
Rwan bo chi wedi creu jin eirin tagu cartref, beth am drio’r jin mewn coctel arbennig…
JIN EIRIN TAGU RHOSMARI & LIMONCELLO
- 50ml Jin Eirin Tagu
- 25ml Limoncello
- Dwr pefriog
- 2 frigyn o rhosmari, un i dorri ac un fel garnais
Rhwygwch y dail oddi ar un brigyn ac rhowch mewn ysgydwr coctel efo’r limoncello.
Dyrnwch (muddle).
Ychwanegwch rhew a’r jin eirin tagu, ysgwydwch yn wyllt nes mae’r hylif yn oer oer.
Straeniwch mewn i wydr llawn rhew.
Topiwch fyny efo dwr pefriog a brigyn o rhosmari fel garnais.
